Граѓанин од Карпош, Скопје, сподели видео на социјалните мрежи на кое, како што наведува, тинејџери пукаат нешто што не наликува на обични петарди.
„Немам нешто посебно да кажам, освен дека цела вечер ечат овие експлозии. Не се баш петарди, од кои буквално се тресам“, наведува граѓанинот.
Тој додава дека најтешко му паѓа чувството дека нема никаква контрола врз ситуацијата.
„Експлозијата не ја доживувам само како звук, туку физички ја чувствувам, како да ми минува низ телото. Секоја вечер има нешто. И веќе станува навистина исцрпувачки“, вели тој.
