(Видео) „Дали си ти болен?“: Трамп жестоко го нападна новинарот и му нареди да замолчи

Американскиот претседател Доналд Трамп остро реагираше на прашање од новинарот Ендру Фајнберг од „Индипендент“ во Овалната соба, барајќи од него да молчи.

— реклама —

Фајнберг го започнал прашањето со забелешка дека Трамп поседува повеќе голф-терени, но претседателот го прекинал со зборовите: „Чекај, чекај…“. Кога новинарот продолжил, Трамп двапати му рекол: „Тивко, тивко…“, а потоа го прашал дали е болен човек.

„Не, колку што знам, господине“, одговорил Фајнберг.

— реклама —

Подоцна истиот ден, новинарот во својот извештај навел дека неодамна го направил редовниот годишен здравствен преглед и дека е здрав. Додал дека само си ја вршел работата и дека следниот ден повторно ќе се врати.

— реклама —

На интернет реагирал и американскиот потпретседател Џеј Ди Венс, кој на платформата Икс објавил снимка од разговорот, обвинувајќи го новинарот дека се однесувал несоодветно во Овалната соба и нарекувајќи го „имбецилен новинар“.

Фајнберг му возвратил дека, ако веќе го навредува, Венс барем треба да има храброст да го означи неговиот профил.

View this post on Instagram