Во раните утрински часови се случила сообраќајна незгода на булеварот „Крсте Мисирков“ во Скопје, откако автомобил излетал од коловозот и удрил во повеќе објекти покрај улицата.
Според информациите од МВР, незгодата била пријавена во 02:50 часот. Автомобил „Ауди“, управуван од 22-годишниот А. Ш. од Скопје, излетал од патот, по што удрил во канделабра, метално столбче и конструкција на автобуска постојка.
Во незгодата е причинета само материјална штета, без пријавени повредени лица.
