(Видео) Девет загинати во пукање во САД, полицијата потврди што се случило со напаѓачот

Девет лица загинаа во пукање во американскиот град Ири, во сојузната држава Пенсилванија, соопшти гувернерот Џош Шапиро. Полицијата подоцна потврди дека и осомничениот напаѓач е мртов, а властите соопштија дека повеќе нема опасност за јавноста.

— реклама —

Шефот на полицијата во Ири, Рик Лорах, изјави за локална телевизија дека за време на својата повеќе од 28-годишна кариера не се соочил со сличен случај.

„Не сум видел ништо слично во повеќе од 28 години. Не сум сигурен дека градот Ири некогаш доживеал ваква загуба на животи и разорување какви што штотуку видовме“, рече Лорах, опишувајќи ги околностите на пукањето како длабоко вознемирувачки.

— реклама —

— реклама —

Засега не се објавени мотивот за нападот, идентитетот на жртвите ниту други детали за околностите на пукањето.

Гувернерот Шапиро во саботата соопшти дека ѝ понудил целосна поддршка на градоначалничката на Ири, Дарија Девлин, и на градските власти.

— реклама —

Ири се наоѓа во северозападниот дел на Пенсилванија, на околу 188 километри северно од Питсбург.