Видео-снимка од безбедносни камери во месарница во Скопје деновиве се споделува на социјалните мрежи, а на неа се гледа како млада женска личност зема кутија наменета за хуманитарни донации.
Според снимката, девојката најпрво пазарува во месарницата, а потоа, во момент кога вработените не забележуваат, ја зема кутијата поставена до касата и ја става кај себе.
Видеото предизвика бројни реакции и коментари на социјалните мрежи, особено поради тоа што станува збор за кутија за донации со хуманитарна намена.
Засега нема официјална информација дали случајот е пријавен во полиција.
