Со големо оро под дождот заврши „Етно плоштад фестивал“ во Берово, покажува видеото што до редакцијата го испрати наша читателка.
Иако времето не им беше наклонето, дел од младите кои останале до самиот крај не се откажале од забавата и се фатиле на заедничко оро.
„Вечерва во Берово вака го затворивме ‘Етно плоштад фестивалот’. И покрај дождот, сите млади кои останаа се фатија на оро“, раскажува читателката.
На видеото се гледа како присутните играат на плоштадот и покрај врнежите, со што фестивалот завршил во весела атмосфера и со традиционално македонско оро.
