(Видео) Двајца туристи и куче спасени во Хрватска по силната бура

Во Хрватска, двајца странски туристи и нивното куче беа спасени во ноќна акција на крајбрежната служба, откако силната бура ги однела далеку од брегот кај Башко Поље, во близина на Макарска.

— реклама —

Дојавата била примена околу 23:15 часот, кога било пријавено дека две лица во гумен чамец, на околу 1,5 километри од брегот, не можат да се вратат на копно поради силниот ветер и брановите.

— реклама —

— реклама —

Спасувачките екипи испловиле веднаш, а потрагата се одвивала во исклучително тешки услови – во целосен мрак, со бранови високи речиси два метра и многу слаба видливост.

По околу половина час, туристите биле пронајдени заедно со кучето на SUP-доска, на околу еден километар од светилникот Лашќатна на островот Брач. Сите тројца биле безбедно извлечени и околу 00:30 часот предадени на Итната медицинска помош на пристаништето во Макарска.

По успешно завршената акција, спасувачите упатија апел до туристите да не ја потценуваат силата на бурата, нагласувајќи дека таквите временски услови можат да бидат исклучително опасни.