Големите пожари што во неделата избувнаа на грчкиот остров Саламис, во близина на Атина, однесоа два човечки животи и предизвикаа сериозна материјална штета. Околу 500 лица беа евакуирани откако речиси истовремено избувнаа два пожара во областите Перистери и Селини.
Телата на двете жртви биле пронајдени во Перистери. Силниот ветер придонел огнот за само неколку минути да се прошири кон населените места, по што властите испратиле итни предупредувања до населението да ги напушти загрозените подрачја.
Утрово пожарниот фронт во Перистерија е стабилизиран, но пожарникарите и натаму се распоредени на повеќе локации и се во состојба на готовност поради опасноста од повторно разгорување на огнот, објави EPT News.
Според „Катимерини“, во пожарот биле повредени 10 лица, а 502 жители биле евакуирани од крајбрежните области Сатерли и Колонес.
Пожарот предизвикал сериозни оштетувања на објектите во Перистерија. На дел од местата останале само изгорени конструкции, поради што било тешко да се утврди дали станувало збор за станбени или деловни објекти.
