(Видео) Експлозии и пожар во руска рафинерија по напад со дронови

Експлозии и голем пожар се пријавени во руската Република Башкортостан, откако беспилотни летала ја нападнале рафинеријата за нафта „Газпром Нефтехим Салават“, која се наоѓа на околу 1.400 километри од украинската граница.

— реклама —

Според украинските медиуми, повикувајќи се на објави на Телеграм-каналот Exilenova+, цел на нападот било петрохемиското постројување „Газпром Нефтехим Салават“. Локални жители на социјалните мрежи објавиле дека се слушнале повеќе експлозии.

Во исто време, експлозии биле пријавени и во рускиот град Геленџик, во Краснодарскиот крај, каде што избувнал пожар од големи размери.

— реклама —

— реклама —

Ова не е прв напад врз истата рафинерија. Во септември минатата година, Службата за безбедност на Украина со беспилотни летала со долг дострел го нападна истото петрохемиско постројување, при што, според тогашните информации, била погодена единицата ЕЛОУ-АВТ-4, која се смета за клучен дел од рафинеријата.

Неколку дена подоцна, на 24 септември 2025 година, следуваше уште еден напад со украински дронови врз истиот објект.