(Видео) Експлозија на полициски пункт во Пакистан: Најмалку 11 загинати, 20 повредени

Најмалку 11 лица загинаа, а 20 се повредени во бомбашки напад врз полициски контролен пункт во пакистанската провинција Хајбер Пахтунва, соопштија пакистанските власти.

— реклама —

Одговорноста за нападот ја презеде Техрик-е-Талибан Пакистан (ТТП), односно пакистанските талибанци, пренесува „Ал Џезира“.

— реклама —

Според информациите на властите, меѓу загинатите има осум мажи, две жени и едно дете. Спасувачките екипи продолжуваат со операцијата на местото на нападот и ги извлекуваат жртвите од урнатините.

Нападот се случил на контролниот пункт Аман Мела, во близина на местата Мугалкот и Дара Зинда, недалеку од границата меѓу провинциите Хајбер Пахтунва и Белуџистан.

— реклама —

Меѓу повредените има полицајци, царински службеници и двајца цивили, соопшти локалната полиција.

— реклама —