Силна експлозија предизвика делумно уривање на зграда во центарот на Атина, соопшти грчката противпожарна служба.
Според локалните медиуми, во инцидентот е повредена една жена, која се здобила со полесни повреди. Пожарникарите успеале да ја извлечат од објектот.
Експлозијата била толку силна што се слушнала низ поголем дел од центарот на градот. Првичните информации упатуваат на можноста дека причина за инцидентот било истекување на гас.
Објектот се наоѓа во Плака, една од најстарите населби во Атина и популарна туристичка област.
Надлежните служби продолжуваат со увид и активности на местото на инцидентот.
