Жителка на Инџиково преку објава во групата „Ѕид на Општина Гази Баба“ реагира на, како што наведува, долготрајниот проблем со отпадот кај железниот мост и игралиштето во населбата.
Во објавата таа изразува гнев и разочараност поради, како што вели, немањето реакција од надлежните за решавање на проблемот.
„Пропаст на сè што е нормално, глуви и слепи сите: и надлежните и оние кои фрлаат. Јас сум тотално гневна и разочарана дека со мало прсте не се мрда да се реши овој проблем кај железниот мост и игралиштето, Инџиково“, наведува жителката.
Таа додава дека проблем има и со собирањето на отпадот од кантите пред домовите.
„Исто така, сè поретко пак се собира ѓубрето од кантите пред двор, веќе две и пол недели не е собрано“, пишува во објавата.
На крајот, таа упатува порака до надлежните и до оние кои, како што наведува, го оставаат отпадот на несоодветни места.
