Во 5 часот утринава почна уривање на дивоградба во скопско Инџиково. За акцијата информира градоначалникот на Гази Баба, Бобан Стевковски.
„Во Инџиково од рано утрово во тек е акција за рушење на бесправно изграден објект! Во моментот на акцијата, објектот беше во приземје – карабина фаза, со јасна намера за надградба на уште еден кат. И покрај донесеното решение од градежниот инспектор за стопирање на градбата и затворање на градилиштето, субјектот не постапил по решението и продолжил со градежни активности. Акцијата започна во 05:00 часот наутро, со претходна координација со МВР.“ – напиша тој
