Голем шумски пожар избувна во Анталија, Турција, на медитеранскиот брег на југот од земјата, поради што стотици жители беа евакуирани, а најмалку две лица се повредени.
Пожарот избувнал синоќа во областа Аксу, во провинцијата Анталија, а силниот ветер брзо го проширил кон соседниот Кепез. Две лица се хоспитализирани со повреди на нозете, додека на шест лица им била укажана помош поради вдишување чад.
Жители од најмалку 254 куќи биле евакуирани, а привремено е затворен и патот што ги поврзува Анталија и Испарта. Повеќе од 2.000 домаќинства останале без електрична енергија.
Од засолниште во Аксу биле евакуирани и повеќе од 100 кучиња поради опасноста од пламенот и густиот чад.
Во гаснењето на пожарот се ангажирани најмалку пет противпожарни авиони, 10 хеликоптери, 110 противпожарни возила и околу 600 припадници на службите.
