(Видео) Градоначалникот од СДСМ за ударот од Филипче и партијата: Непријатно е, не очекував така јавно да ми се обрати

радоначалникот на Крива Паланка, Сашко Митовски, не очекувал претседателот на неговата партија, Венко Филипче, јавно да го критикува преку споредба меѓу проблемот со кравите и можноста да контролира рудник. Во „Претрес со Ландов“ призна дека било непријатно да ја слушне пораката, а таквите изјави ги оцени како непристојни.

Во емисијата беше пуштена изјавата на Филипче со прашањето како градоначалник што не може да исконтролира десет крави би контролирал рудник во близина на Крива Паланка.
Митовски првично одговори дека нема да ја коментира. По дополнителните прашања од водителот Кристијан Ландов, кажа дека со такви настапи не треба дополнително да се оптоваруваат луѓето што веќе трпат штети.

— реклама —

Изјавите ги оцени како непристојни и недолични за сериозни носители на јавни позиции. На прашањето дали очекувал Филипче така јавно да му се обрати, одговори: „Искрено не“.
Сепак, нагласи дека го почитува партискиот поредок и Филипче како претседател на СДСМ. Кажа дека во меѓувреме разговарал со партиските структури и дека несогласувањата треба да се решаваат внатре во партијата.

Посебна забелешка имаше за начинот на кој СДСМ го соопштил ставот за можниот рудник.
Според Митовски, пред да излезе со соопштение, партијата требало да го праша својот градоначалник за неговото мислење и за ставовите на локалното население.

— реклама —

„Тоа не се случи“, рече тој, тврдејќи дека објавениот партиски став се разликува од неговиот и од ставот на сограѓаните што тој го застапува.

— реклама —

За самиот проект кажа дека сè уште е во фаза на истражувања и анализи и дека е рано да се зборува дали и кога Крива Паланка би добила нов рудник.

Прашан за претходната остра формулација со која реагирал на партиското соопштение кое го оцени како „лудо“, призна дека можеби употребил претежок збор, но нагласи дека не се оддалечува од суштината на критиката.

— реклама —

Што си кажале во партиските разговори, зошто Митовски ја брани комуникацијата со премиерот Мицкоски и каде се разидува со раководството на СДСМ? Гледајте го целиот „Претрес“.

„Претрес“ на Стојна за Куклица и наплатите, а на градоначалникот на К. Паланка за кравите и хаосот Гледај на LANDOV.MK 3:01:09