Маж од Стејтен Ајленд преживеал неверојатен момент кога гром го погодил во стапалото додека излегувал од својот дом. Целиот настан го снимила камерата на неговото ѕвонче.
Томас Фахми тргнувал на закажан стоматолошки преглед кога громот удрил во неговото стапало. Тој опишал дека веднаш почувствувал силно пецкање, вкочанетост, болка и чувство на горење низ целото тело.
„Откако ме погоди громот, чувството низ целото тело беше нешто што никогаш претходно не сум го доживеал – пецкање, вкочанетост, болка и чувство на горење“, раскажал Фахми.
Тој ја поминал ноќта во болница, каде што бил подложен на повеќе прегледи. За среќа, лекарите не утврдиле никакви изгореници.
„Немав никакви изгореници. Ми направија повеќе прегледи и немаше никакви изгореници“, изјавил тој.
По преживеаниот удар, Фахми в неделата отишол во црква за, како што вели, да му се заблагодари на Бога.
Но, приказната има и необичен продолжеток. Само еден ден претходно, во саботата, тој купил ливче за лотаријата „Mega Millions“.
