По повод Меѓународниот ден на децата, кабинетот на првиот вицепремиер и министер за политички систем Артан Груби денеска беше преплавен од група на деца, кои во службените простории го прославија овој ден.
„Денеска, на 1 јуни, Денот на детето, мојата канцеларија ја исполнија токму тие. Забава, едукација, состаноци, задачи…Иднината им припаѓа на младите генерации“, напиша Груби на „Фејсбук“.
Меѓународниот ден на детето, прогласен од УНИЦЕФ во 1925 година на Светската конференција за благосостојба на децата, одржана во Женева, Швајцарија, традиционално се одбележува во многу земји во светот.
