(Видео) Хаос на ракометен терен во Србија, седум сини картони за играчи од двете екипи

Ракометниот натпревар меѓу Напредак од Крушевац и Караѓорѓе од Топола, во рамките на седмото коло од Првата лига на Србија, група Запад, беше прекинат по масовна тепачка во која учествуваа играчи и членови на стручните штабови на двете екипи.

— реклама —

Инцидентот се случил во последната минута од средбата, при водство на Напредак од 31-27. По погодокот на домашниот тим, голманот на гостите реагирал кон противнички ракометар и го удрил со подлактица во главата. Тоа предизвикало реакција кај домашните играчи, по што настанала масовна пресметка.

— реклама —

Во тепачката се вклучиле и ракометарите од резервните клупи, како и членовите на стручните штабови. Физичкиот судир продолжил неколку минути, по што судиите го прекинале натпреварот и ги испратиле екипите во соблекувалните.

— реклама —

По пауза од околу 25 минути, арбитрите ги изрекле санкциите. Вкупно биле покажани седум сини картони – три за играчите на Напредак и четири за гостинскиот состав.

— реклама —

Синиот картон во ракометот значи дека инцидентот ќе биде дополнително пријавен до надлежните дисциплински органи, кои можат да изречат и дополнителни казни за учесниците во тепачката.