(Видео) Хаос во Тирана: Министерството за образование гаѓано со камења, полицијата употреби водени топови

Поддржувачи на албанската Демократска партија денеска фрлале камења кон зградата на Министерството за образование во Тирана, а за време на протестот биле запалени и контејнери за отпад. Полицијата интервенирала со водени топови за да ја растера толпата, а според медиумските извештаи, биле употребени и гумени куршуми.

— реклама —

— реклама —

Претходно, демонстрантите запалиле столици пред зградата на албанската влада. Станува збор за столиците што премиерот Еди Рама ги поставил како покана до студентите за дијалог.

Протестот на поддржувачите на Демократската партија се одржува во знак на солидарност со студентските демонстрации, кои траат веќе 12 дена. Тие започнале поради незадоволството од состојбата во образованието, високите трошоци за студирање и ограничените можности за вработување на младите, но во меѓувреме прераснале во пошироки антивладини протести, на кои се бара оставка од Рама.

— реклама —

Албанскиот премиер и денеска повика на дијалог, објавувајќи видео на Фејсбук на кое се гледа камена маса пред неговата канцеларија, со документи на кои е испишан зборот „дијалог“. Во изминатите денови, Рама постави столици и клупи пред канцеларијата, но студентите ги одбија неговите покани за разговор.