(Видео) „Им се восхитувам, покажаа достоинство и неверојатна истрајност“: Ѓоковиќ со силна порака за студентите по изборите во Србија

Тенисерот Новак Ѓоковиќ, беше прашан за парламентарните избори во Србија и победата на Студентската листа. Неговиот одговор од прес-конференцијата во пресрет на настапот на турнирот во Базел масовно се споделува на социјалните мрежи.

— реклама —

Ѓоковиќ, кој и претходно повеќепати им даде поддршка на студентите во нивната борба за подобра и поправедна Србија, на прес-конференцијата доби прашање на англиски јазик за изборите и резултатот на студентите.

— реклама —

„Да, задоволен сум. Многу сум среќен поради тоа. Моето најдлабоко почитување за студентите и младите луѓе кои се бореа и покажаа достоинство и неверојатна истрајност во последните две години, под огромен притисок“, изјави Ѓоковиќ.

Тој продолжи со пофални зборови за студентите, истакнувајќи дека нивното однесување предизвикало чувство на гордост и кај луѓето во Србија и кај оние во странство.

— реклама —

„Им се восхитувам за тоа што го направија и за начинот на кој се однесуваа. Успеаја да создадат чувство на гордост кај сите луѓе, не само во Србија, туку и во странство. Победата е обезбедена и сега сите се надеваме дека нашата земја ќе биде просперитетна и дека ќе уживаме во иднината што доаѓа“, порача српскиот тенисер.