(Видео) Инцидент на Парадата на гордоста во Берлин: Комбе прегази повеќе лица, напаѓачот е во бегство

Парадата на гордоста во Берлин, позната како „Christopher Street Day“ (CSD), вечерва беше прекината откако возило влета меѓу учесниците во близина на паркот Тиргартен. Според првичните информации, повредени се повеќе лица, додека полицијата трага по возачот, кој избегал од местото на настанот.

— реклама —

Инцидентот се случил околу 22 часот во близина на улицата Ленештрасе. Германската полиција соопшти дека возилото навлегло во просторот каде што се движела поворката. Засега не е соопштен точниот број на повредени, ниту тежината на нивните повреди, а истрагата за причините и околностите на инцидентот е во тек.

— реклама —

Според очевидци, бело комбе со голема брзина влегло во паркот Тиргартен, по што возачот избегал пеш.

Поради сериозноста на ситуацијата, полицијата случајот го класифицирала како масовен инцидент со голем број повредени и активирала специјален протокол за вакви настани. На терен се ангажирани 44 припадници на службите за итна помош, како и повеќе екипи на брза медицинска помош.

— реклама —

Неколку минути по инцидентот, организаторите ја прекинаа манифестацијата и наредија евакуација. На големиот екран кај Бранденбуршката порта беше прикажана порака за евакуација, а преку социјалните мрежи учесниците беа повикани мирно да го напуштат просторот и да ги избегнуваат Тиргартен и Споменикот на победата, упатувајќи се кон Главната железничка станица.