(Видео) Јапонија под силно невреме: Рекордни врнежи, парализиран сообраќај и 41 повреден

Силно невреме со обилни врнежи предизвика сериозни проблеми во централниот дел на Јапонија, при што најмалку 41 лице се здобило со полесни повреди во градот Нагоја, соопштија локалните власти.

— реклама —

Во Нагоја, во префектурата Аичи, во вторникот биле измерени рекордни количества дожд, поради што градските власти прогласиле мерки за итна помош на целата територија на градот, пренесува „Кјодо“.

— реклама —

Обилните врнежи предизвикале прекини и застои во сообраќајот, па голем број патници и ученици останале заглавени во текот на ноќта. Околу 1.600 лица се засолниле во евакуациски центри, додека околу 200 возила биле оштетени поради поројните дождови.

— реклама —

Јапонската метеоролошка агенција предупреди дека обилните врнежи ќе продолжат во голем дел од земјата до четврток. Поради тоа, постои опасност од поплави и одрони, а граѓаните се повикуваат на зголемена внимателност.