Две лица синоќа се обиделе да ја ограбат црквата „Св. Петка“ во селото Ботун, која се наоѓа покрај патот кон Охрид, но не успеале во намерата, посочува жител за „Скопје1“.
Според мештани кои до редакцијата доставија снимка од безбедносните камери, обидот за провала се случил околу 20 часот. На видеото се гледа како две лица со тежок железен алат, налик на хилта, се обидуваат насилно да ја пробијат влезната врата на црквата.
Според лицето кое ја достави снимката, обидот бил неуспешен и сторителите не успеале да влезат во верскиот објект.
Случајот, посочува дека го пријавиле во полиција, која ќе треба да ги идентификува двете лица кои се обиделе да упаднат.
