Кавадарци испраќа поддршка за справување со пожарот што го зафати подрачјето на Пелистер. Утрово од Кавадарци кон Битола се упатија три противпожарни возила и шест пожарникари од Територијалната противпожарна единица.
Помошта е испратена со цел да се зајакнат капацитетите на терен и да се даде поддршка во справувањето со огнената стихија на Пелистер.
Од Општина Кавадарци посочуваат дека во услови на сериозни предизвици, солидарноста, координацијата и меѓусебната поддршка меѓу институциите се од особено значење.
Кавадарци и кавадаречките пожарникари, како што е наведено во известувањето, остануваат подготвени да помогнат секогаш кога тоа е потребно.
