Струшкиот кеј околу Охридското Езеро е во очајна состојба и оставен во заборав на времето. Плочките пропаѓаат, а потпорните ѕидови се одронуваат во Езерото. На местото била поставена и лента за да се заштитат минувачите и да се спречи несреќа, која сега е тргната.
Пропаднатиот мермер, не само што ја нагрдува сликата за Струга, туку и претставува опасност. Засега нема најава од струшкиот градоначалник Рамиз Мерко за санација.
Стружани сметаат дека час поскоро треба да се реши ова, особено пред летната сезона - бидејќи е срам за градот.
