Прашањето зошто Али Ахмети не говори јавно на македонски јазик беше отворено во разговорот со Блерим Беџети.
Ландов потсети на објавените прислушувани разговори во кои лидерот на ДУИ наводно комуницира со Никола Груевски и го праша дали Ахмети би прифатил интервју на македонски.
Беџети рече дека Ахмети го користи македонскиот во слободна комуникација онолку колку што го владее. На прашањето дали наскоро може да се очекува негово јавно интервју на македонски, одговори: „Да се надеваме“.
Пратеникот додаде дека почитувањето и користењето на јазикот на другиот треба да биде обврска за сите. Во расправата посочи и дека учењето друг јазик е корисно, додека Ландов инсистираше дека јавниот настап на Ахмети на македонски би испратил важна порака.
Повеќе погледнете сами:
