(Видео) „Албанците се господари на оваа земја“, рече Ахмети по победата во Брвеница

Во обраќањето во Брвеница по победата на Аркин Јахиџи, претседателот на ДУИ, Али Ахмети, изнесе ставови за местото и улогата на Албанците во Македонија, нагласувајќи дека тие се автохтоно население и дека земјата ја сметаат за своја татковина.

Ахмети изјави дека Македонија не му припаѓа ниту на премиерот Христијан Мицкоски ниту на поранешниот премиер Бранко Црвенковски, туку на Албанците, кои, според него, се автохтони жители на земјата.

— реклама —

„Македонија не му припаѓа ниту на Христијан ниту на Бранко Црвенковски. Македонија е татковина на Албанците кои се автохтони и кои не биле угнетувани од никого, туку други биле угнетувани од нас. Ние сме државотворци и ние сме господари на оваа земја“, рече Ахмети.

Тој додаде дека Албанците треба да бидат поддржани во таквиот став и порача дека неговата партија презема одговорност за движење на политичките процеси во земјата.

— реклама —

Осврнувајќи се на изборната победа во Брвеница, Ахмети истакна дека општината има 65 отсто албанско население и дека граѓаните заслужуваат градоначалник Албанец. Тој им се заблагодари на сите што гласале за Јахиџи.

— реклама —

Ахмети се осврна и на критиките од македонски политичари кон нивниот кандидат, за кого, како што рече, биле упатени обвинувања дека е криминалец. Според лидерот на ДУИ, таквите изјави не придонесуваат за соживотот.

„Ние како партиски лидери не можеме да бидеме обвинители“, рече Ахмети, изразувајќи надеж дека во иднина ќе се избегнуваат ваквите изјави и ќе се работи на поголема блискост и комуникација меѓу заедниците.

— реклама —