Лидерот на ДУИ, Али Ахмети, порача дека Охридскиот договор не смее да биде предмет на политики што би можеле да ги загрозат правата утврдени со него, особено во однос на албанскиот јазик и правичната и соодветна застапеност.
На дебатата посветена на 25-годишнината од Рамковниот договор, Ахмети ги повика политичките чинители да избегнуваат, како што рече, фолклор и емоции и наместо тоа да се насочат кон мирот, стабилноста, безбедноста и европската интеграција на земјата.
Тој истакна дека Македонија ја смета за своја земја и дека неговата поврзаност со државата е длабока и семејна.
„Ја сакам Македонија, ова е мојата земја, мојот дедо, прадедо, баба и прабаба се тука“, порача Ахмети, додавајќи дека земјата ја сака исто колку и Бранко Црвенковски и Христијан Мицкоски.
Ахмети оцени дека од Охридскиот договор не треба да се отстапува, особено кога станува збор за албанскиот јазик и правичната и соодветна застапеност.
Според него, придобивките од договорот се гарантирани од САД, Европската Унија и НАТО и се резултат на долгогодишни напори.
„Не велам дека тоа е само резултат на Албанците, не велам дека само Албанците победиле со Рамковниот договор, победи и македонската нација“, рече лидерот на ДУИ.
На панел-дискусијата учествуваше и поранешниот премиер Владо Бучковски.
