(Видео) „Кој е Мицкоски да продава банки, што е тој премиер или дилер за продажба на Алта банка?“, вели Филипче

Претседателот на СДСМ, Венко Филипче, го обвини премиерот Христијан Мицкоски дека бил вклучен во процесот поврзан со влезот и продажбата на Алта банка во Македонија, прашувајќи во кое својство барал купувачи за банката и со кого преговарал.

— реклама —

На денешната прес-конференција, Филипче праша дали Мицкоски настапувал како посредник во продажбата, потсетувајќи дека гувернерот на Народната банка, Трајко Славески, претходно потврдил дека премиерот бил информиран за влезот на Алта банка во земјава.

— реклама —

Филипче побара одговори дали Мицкоски имал директни разговори со сопственикот на банката, Давор Мацура, и каква била неговата улога во процесот на преземање на тогашната Стопанска банка Битола.

Лидерот на СДСМ отвори прашања и за одлуката донесена на владина седница, со која, според него, јавните претпријатија требало да ги отстапат своите акции во корист на Давор Мацура, односно Алта банка. Тој ја посочи и министерката за финансии Гордана Кочовска како дел од процесот.

— реклама —

Филипче побара објаснување зошто била донесена таква одлука и во чиј интерес работеле претставниците на Владата. Притоа изнесе и сериозни обвинувања за потеклото на капиталот на Алта банка, поврзувајќи ја со наводни криминални активности, но за овие тврдења во соопштението не беа приложени докази.

— реклама —