Миле Јовановски за „А1он“ зборуваше дека син му Боки 13 добивал закани по живот додека бил во затвор. Се плаши за неговиот живот. Прашан од кого се, Јовановски кажува дека можеби пораките се од братот на премиерот Зоран Заев.
„Се плашам за мојот син. Најмногу кога беше во истражниот затвор, затоа што имав дојава од близок човек во правосудните органи дека имало, ми цитираше пораки, дека нема да излезе жив од затворот, дека ќе го убијат итн“, вели Јовановски за „А1он“, по што прашан од „А1он“ кој ги праќал тие пораки, Јовановски рече: „Мислам дека до толку ниско да падне Зоран Заев не ми се верува, ама брат му можеби, не сум сигурен, не ми беше кажано од кого се“, прашан зошто брат му, тој додаде: „Па и брат му е смешан во сите овие криминални делатности, рекети-мекети и тоа. Не случајно Бојан кажа да ги бараат кај Вице и Зоран Заев“.
Јовановски тврди дека „Рекет“ е начин да се уништи СЈО, а Катица Јанева и неговиот син биле погодни личности за тоа.
„Кај се парите, еве јас прашувам, кај се парите. Јас не можам да тврдам што имало во ташната, ниту сум бил, ниту знам. Можам хипотетички да кажам имало пари, можам да кажам дека нема пари. Ако имало списанија, како можело да собере и толку пари. Дајте снимка каде Бојан зема пари, каде ги бројат парите “, вели Миле Јовановски.
Според него, можеби Јанева имала истрага против високи личности во СДСМ.
