Пратеникот на ВМРО-ДПМНЕ, Драган Ковачки, денеска соопшти дека кандидатурата на Стојанчо Радичевски за градоначалник на Општина Брвеница е официјално поднесена. Радичевски е кандидат на ВМРО-ДПМНЕ и коалицијата за претстојните вонредни локални избори.
Ковачки го оцени Радичевски како одличен кандидат и истакна дека очекува тој да биде продолжение на работата на поранешниот градоначалник Јовица Илиевски, кој почина предвреме.
„Верувам дека нашиот кандидат е убедливо најдобриот кандидат, кандидат којшто обединува и со кого заеднички ќе славиме на 18 октомври“, изјави Ковачки.
Тој упати повик до сите учесници во изборната трка за фер кампања, достоинствен однос и демократски избори.
