(Видео) Кравите шетаат, обвиненијата паѓаат, пријавите чекаат – Митовски во „Претрес“ откри што се случувало со акциите во Крива Паланка

Акција за добитокот била попречена, човек завршил во притвор, а потоа инспектор ја сменил изјавата пред суд и обвинението паднало. Вака градоначалникот на Крива Паланка, Сашко Митовски, во „Претрес со Ландов“ опиша случај кој, според него, покажува зошто долгогодишниот проблем со добитокот што се движи без контрола останува нерешен. Митовски тврди дека инспектор од Агенцијата за храна и ветеринарство на суд кажал дека не бил спречен во вршењето на службената должност, спротивно на претходната изјава.

„Самиот инспектор при Агенцијата за храна и ветеринарство при самото судско рочиште ја промени изјавата дека не бил спречен во вршење на службената должност“, рече Митовски.

— реклама —

Според градоначалникот, со тоа практично било урнато обвинението, а лицето што во разговорот го посочи како Гоце (татко на екссопственичките на кравите) излегло од притвор. Митовски појасни дека станува збор за инспектор од Кратово, со надлежност и во Крива Паланка, и дека информацијата ја добил од јавниот обвинител.

Митовски најави дека општината ќе бара испитување на евентуалната кривична одговорност на инволвираните. На прашањето дали тоа го опфаќа и постапувањето на АХВ, одговори потврдно.

— реклама —

„Да, вклучително и на АХВ“, рече тој, објаснувајќи дека општинската правна служба собира информации и податоци за кривичната пријава да биде поткрепена со факти и аргументи. Но на директното прашање дали најавените пријави веќе ги поднел, Митовски одговори: „Сите ми се спакувани, јас ги носам тука.“

— реклама —

Потоа појасни дека пред поднесувањето на кривичната пријава сака да обезбеди уште еден доказ. Според него, веќе испратил барање за вонреден инспекциски надзор до Државниот управен инспекторат, за да се утврди зошто не биле спроведени правосилните и извршни решенија за добитокот.

Во разговорот ги наведе и Државната комисија за спречување на корупцијата и Народниот правобранител како институции пред кои ќе го отвори случајот. Така, додека граѓаните ги трпат штетите и опасностите, градоначалникот најавува нов круг постапки за да се утврди зошто претходните не довеле до решение.

— реклама —

Неговото тврдење за сменетиот исказ на инспекторот отвора и конкретно прашање: што точно се случило во судницата и врз основа на што завршила постапката? Што од најавеното веќе е преземено, што сè уште стои во подготвените документи и какви одговори даде Митовски кога беше прашан за сопствената одговорност — гледајте го целиот „Претрес“.

„Претрес“ на Стојна за Куклица и наплатите, а на градоначалникот на К. Паланка за кравите и хаосот Гледај на LANDOV.MK 3:01:09