(Видео) Лапсус или порака? Мицкоски го нарече Апасиев „Димитар Заев“

Премиерот Христијан Мицкоски во денешната изјава порача дека пред граѓаните постојат само две политички опции за претстојните избори – коалицијата СДСМ, ДУИ и Левица или коалицијата предводена од ВМРО-ДПМНЕ. Тој направи лапсус менувајќи му го презимето на лидерот на Левица од Апасиев во Заев, а потоа кажа дека тоа не е лапсус.

— реклама —

View this post on Instagram

— реклама —

„Едната опција е СДСМ, ДУИ и Левица, тоа е коалицијата Венко Филипче, Али Ахмети, Димитар За.. Апасиев. Па и да кажев да кажев Димитар Заев немаше многу да погрешам ако направам една кованица, бидејќи гуруто на оваа коалиција е тој. И тоа е патот кој седум години го гледавме. Пат на криминал, корупција, неиспорака, неработа“, рече Мицкоски.

Тој истакна дека нема „трета опција“ и додаде:

— реклама —

„Втората опција е ВМРО-ДПМНЕ и коалицијата. Тоа е она што го работиме 16 месеци и ако граѓаните се задоволни, ги повикувам на 19 октомври да го дадат својот глас“.

— реклама —

Мицкоски апелираше до граѓаните да излезат на гласање, бидејќи, како што рече, „со седење дома, се носи глас за противниците“.