Уште во раните утрински часови денеска се создадоа големи гужви на граничниот премин Богородица–Евзони, на влезот во Грција.
Според информациите од патници, во 06:55 часот целиот меѓуграничен простор меѓу македонската и грчката страна бил исполнет со возила, а колоните се протегале низ целиот премин.
Се очекуваат подолги задржувања, особено поради зголемениот број туристи, кои го користат почетокот на новата работна недела за патување кон грчките туристички центри.
На возачите им се препорачува да бидат трпеливи, да планираат дополнително време за патување и редовно да ги следат информациите за состојбата на граничните премини.
