Секојдневно е во опасност животот на мајки со колички и деца на улицата Анастас Митрев, затоа што автомобилите се паркирани на тротоарите и ги принудуваат пешаците да се движат по коловоз, велат од политичката партија Левица.
„И покрај ваквата состојба, градоначалникот Митески и владејачкото мнозинство на ДПМНЕ ги отфрлија амандманите на Левица за поставување безбедносни столбчиња и обележување пешачки премин на улицата.
За реконструкција на оваа улица, Митески потроши 17 милиони денари од унгарскиот кредит, но ветувањата дадени пред избори не се остварија. Граѓаните и натаму секојдневно се движат по улицата, стрепејќи за својот и за животот на своите деца“, се вели во соопштението.
