Градоначалникот на општина Аеродром, Тимчо Муцунски, првиот ден од второто полугодие на школската година го искористи за посета на ОУ „Димитар Македонски“ во Лисиче.
-Овде, конечно заврши долгогодишниот проблем со лошите услови и нашата општина доби училиште по сите европски стандарди. Од денеска учениците ќе можат да бидат во една топла атмосфера тука да ги поминуваат своите училишни денови. Оваа календарска година планираме многу да инвестираме во образованието. Освен „Димитар Македонски“, во текот на оваа година ќе ги реконструираме и другите основни училишта, ќе има смарт табли, дигитализација, набавка на нови таблети за прво и четврто одделение. Воедно, почнуваме со изградба на три нови градинки и ќе ги реновираме постоечките, информираше Муцунски кој им посака успешно второ полугодие на сите ученици од Општина Аеродром и остварување на целите кои ги имаат поставено.
