Без поддршка од ВМРО-ДПМНЕ, за собраниски претседател е изгласан Јован Митревски од СДСМ. Ова доаѓа откако Талат Џафери поднесе оставка со цел во недела, да биде избран за технички премиер задолжен за спроведување на изборите. Пред гласањето, пратеникот од СДСМ, Мартин Костовски го пофали Митревски, па излезе на говорница Никола Мицевски кој го искритикува.
„Вкупно гласаа 104 пратеници, 64 пратеници гласаа „за“, проив се 40. Констатирам дека Јован Митревски е избран за претседател на Собранието“, кажа потпретседателот на Собранието, Горан Мисовски.
За во недела, се очекува седница за изгласување на техничката Влада.
Костовски: Мојот другар Јован е пратеник во Собранието да го гласаме сите; Мицевски: Се рушите како кула од карти
Пратеникот од СДСМ, Мартин Костовски го предложи Јован Митрески од Струга да биде нов претседател на Собранието. Тој го прикажа Митрески како државник, пратеник кој овозможил државата да оди напред. Ги наброја успесите кои ги имал во Струга, како и дека е лице со интегритет.„Мојот другар Јован е пратеник во Собранието. Јован го унапреди дијалогот во Собранието. Тој покажа дека е возможно да се врати дијалогот. Ова е возможно ако во Собранието седат пратеници како Јован Митрески“, кажа меѓудругото Костовски.На ова реплицираше координаторот на пратениците од ВМРО-ДПМНЕ, Никола Мицевски.„Денес е голем ден, ден кога оваа власт, дел од дел, функционер по функционер, да се руши како кула од карти. Процес кој почна вчера, а денеска продолжува. Денес може да зборуваме само за парламентарен дом, кој е цел на меѓупартиски договори. Нема европско Собрание, не видовме место каде преку дебата ќе се носат решенија кои ќе го подобрат животот на граѓаните“, кажа Мицевски.Точка на дневен ред е гласање за нов претседател на Собранието, откако Талат Џафери поднесе оставка за да го гласаат за технички премиер.
Македонија | пред 1 година
