(Видео) Маж се обиде да го погоди Петер Маѓар со јајце, полицијата веднаш реагираше

Непријатен инцидент се случил за време на обраќање на унгарскиот политичар Петер Маѓар во градот Солнок, кога маж од публиката се обидел да го погоди со јајце.

— реклама —

Маѓар се обидел да ја смири ситуацијата со шега, велејќи дека не треба да го гаѓаат со јајца бидејќи се прескапи, но потоа упатил и политичка порака.

Тој рече дека луѓето кои фрлаат предмети се фрустрирани бидејќи, како што наведе, сфатиле дека лидерите за кои верувале дека се совршени, не биле такви. Според Маѓар, тие биле убедувани дека доколку Фидес не победи, Унгарија ќе биде продадена и младите ќе мора да одат на фронт.

— реклама —

— реклама —

Мажот кој се обидел да го погоди Маѓар веднаш бил уапсен од полицајци во цивилна облека и одведен на испитување во локалната полициска станица.

Според унгарските медиуми, неименуваниот маж за време на испитувањето признал дека го гаѓал Маѓар и рекол дека единствено му е жал што не го погодил во глава.

Ова не е прв ваков инцидент со Маѓар. Само неколку дена претходно, непознат маж го полил со вино за време на традиционалната манифестација „Денови на бербата на грозјето“ во градот Сексард.