(Видео) Меси го постигна првиот гол по смртта на татко му: Емотивната прослава го обиколи светот

Лионел Меси постигна емотивен гол во дресот на Интер Мајами, прв по смртта на неговиот татко, Хорхе Меси, на 8 август. Аргентинецот погоди во ремито 2:2 против Филаделфија Јунион, а прославата беше особено емотивна.

На „Субару Парк“ во 26. минута, Меси успеа да се ослободи од својот чувар, а потоа со левата нога прецизно ја испрати топката во мрежата за водство на Интер Мајами од 2:1.

— реклама —

Веднаш по голот, неговите соиграчи му пријдоа и го прегрнаа, создавајќи емотивна сцена за аргентинскиот фудбалер, кој неодамна се соочи со голема лична загуба.

Хорхе Меси, таткото и долгогодишен застапник на фудбалерот, почина на 8 август во Росарио, Аргентина, на 68-годишна возраст.

— реклама —

View this post on Instagram

— реклама —

Меси имаше придонес и кај првиот гол на својот тим, откако запиша асистенција. Со освоениот бод, Интер Мајами ја прекина серијата од три последователни порази во МЛС.

За Меси ова беше 13-ти првенствен гол сезонава, со што дополнително се приближи до врвот на листата на стрелци. Му недостига уште еден гол за да се израмни со напаѓачот на Далас, Петра Муса, во трката за „Златната копачка“.

Меси минатата недела со емотивна порака му оддаде почит на својот татко, признавајќи дека не знае како да продолжи без него.