(Видео) „Мицкоски има директна и најголема политичка одговорност за Алта банка“, вели Филипче

Премиерот Христијан Мицкоски има директна и најголема политичка одговорност за влезот на АЛТА банка на македонскиот пазар, оцени претседателот на СДСМ и пратеник, Венко Филипче, на денешната надзорна расправа посветена на воведувањето администрација во АЛТА банка АД Битола и улогата на Народната банка.

— реклама —

Филипче посочи дека одговорноста на Мицкоски се однесува и на одобрувањето на купувањето на домашната банка, но и на последиците со кои сега се соочуваат граѓаните. Според него, премиерот не може да се дистанцира од случајот и да ја префрла одговорноста врз институциите.

„Премиере, имате директна и најголема политичка одговорност за ова што се случи кај нас со АЛТА банка. Прво за влезот на банката кај нас, понатаму за расплетот кој следеше по изборите во Србија, притворот на газдата Давор Мацура и блокадата на средствата на парите коишто нашите граѓани ги имаат во сега АЛТА банка Македонија“, рече Филипче.

— реклама —

Тој нагласи дека за банката и нејзиниот сопственик, Давор Мацура, во јавноста се зборува веќе една година, поради што, според него, Мицкоски не може да тврди дека не бил запознаен со нивното работење. Филипче ја нарече АЛТА банка „лична банка на Александар Вучиќ“.

— реклама —

Дополнително, претседателот на СДСМ ја посочи и наводната улога на премиерот во влијанието врз јавните претпријатија да продаваат акции на банката. Тој се повика и на изјавата на гувернерот Трајко Славески, за која оцени дека отвора прашања за можно политичко влијание врз одлуките на Народната банка.

„Што точно му кажавте на гувернерот, кога очигледно сте му дале наредба или кога ве прашал што да прави со АЛТА банка и влезот на таа банка кај нас?“, праша Филипче.

— реклама —