(Видео) Младите го преполнија Охрид: вака изгледаше градот во 03 часот утрово

Охрид деновиве живее со полн интензитет. Градот пулсира 24 часа, речиси и да нема слободно сместување, а илјадници туристи ги исполнуваат улиците до раните утрински часови.

— реклама —

По завршувањето на концертите и журките, најголемиот метеж се сели кај сендвичарите, киосците за брза храна, на кејот, плоштадот и низ централното градско подрачје, каде посетителите остануваат до зори.

Поради големиот број посетители, низ градот има засилено полициско присуство. Полициски патроли можат да се забележат на бројни локации, а службениците спроведуваат контроли со цел одржување на јавниот ред и безбедноста.

— реклама —

View this post on Instagram

— реклама —

Но, додека туристите уживаат во атмосферата, дел од охриѓаните велат дека овие денови речиси е невозможно нормално да функционираат во градот во кој живеат. Тие се жалат на големите сообраќајни гужви, метежот низ улиците, отпадот што се остава на јавните површини, како и на викањето и бучавата што траат до раните утрински часови.

Летната програма продолжува и во наредните денови. На сцените во Охрид ќе настапат Рита Ора, Сенида и Слаткаристика, а пред публиката ќе се појават и Калиопи, „Некст Тајм“ и бројни други домашни и регионални изведувачи.

Забавата потоа се сели на сцената на Античкиот театар, каде се најавени концерти на „Дупер“, Пеџа Јовановиќ, Жељко Самарџиќ, Симон Трпчески и „Црвена јабука“, што значи дека Охрид и во наредните денови ќе остане една од најпосетените туристички дестинации во земјата.