По објавата на Скопје1 за случајот со фрлање отпад на јавно место на улицата „Хаџи Јован Шишко“ во Скопје, реагираше Министерството за внатрешни работи.
Од МВР соопштија дека вчера (18.09.2026), полициски службеници од Полициското одделение Шуто Оризари при СВР Скопје постапиле по претходна пријава за фрлање отпад на јавна површина.
При преземените мерки било утврдено дека станува збор за Е.А. (22) од Скопје.
На лицето му е издаден прекршочен платен налог согласно Законот за јавна чистота.
Со објавувањето на видеото, МВР укажува на потребата од почитување на прописите и одговорно однесување при користењето на јавните површини.
