(Видео) Нафтена дамка од серија украински напади врз рафинеријата во Туапсе се приближува до подрачјето каде што се наоѓа резиденцијата на Путин

Нафтена дамка што настанала по серија украински напади врз рафинеријата во Туапсе се движи долж брегот на Црното Море кон подрачјето на Геленџик, при што се приближува и кон областа каде што се наоѓа резиденцијата на рускиот претседател Владимир Путин, позната како „Путинова палата“.

Според медиумските извештаи, дамката моментално се наоѓа на околу 30 километри од комплексот на ртот Идокопас. Сателитските снимки покажуваат дека загадувањето се шири по крајбрежјето по серија експлозии и пожари во рафинеријата, кои биле предизвикани од напади со беспилотни летала.

— реклама —

— реклама —

По нападите во април, во кои избувнале големи пожари и биле оштетени повеќе резервоари за нафта, локалните власти евакуирале дел од населението, а во регионот е пријавено и значително загадување на воздухот и почвата.

Според извештаите, станува збор за сериозно еколошко загадување кое може да има долгорочни последици врз локалните екосистеми и туристичката индустрија во црноморскиот регион.

— реклама —

Руски официјални претставници ги обвинуваат украинските сили за напади врз енергетска инфраструктура, додека од Киев се наведува дека операциите се насочени кон руската нафтена индустрија како дел од воената стратегија.