(Видео) Најмалку 12 повредени во пукање на фестивал во САД

Најмалку 12 лица се повредени во пукање што се случи во градот Толедо, во американската сојузна држава Охајо, на фестивалот „Олд Вест Енд“.

Инцидентот се случил синоќа околу 23 часот по локално време, додека полицијата им помагала на посетителите да го напуштат просторот по завршувањето на фестивалот.

— реклама —

Според информациите од полицијата, десет лица се здобиле со прострелни рани, додека уште две биле повредени при обидот да побегнат од местото на настанот. Повредените се на возраст од 16 до 51 година.

Едно од лицата се наоѓа во критична состојба.

— реклама —

Полицијата соопшти дека засега нема приведени осомничени и упати апел до граѓаните да помогнат во истрагата со информации, фотографии или видеоснимки од настанот.

— реклама —

„По 23 часот беа испукани повеќе истрели. Во моментов имаме десет лица со прострелни рани и уште две кои се повредени при бегството. Никој не е уапсен“, изјави началникот на полицијата Мајкл Трендл.

Градоначалникот на Толедо, Вејд Капшукиевич, го осуди нападот и порача дека станува збор за трагичен ден за локалната заедница.

— реклама —

„Фестивал кој повеќе од 50 години е гордост на нашиот град, стана место на насилен злосторнички чин. Сега ни е потребна помош од јавноста за да ги пронајдеме одговорните“, изјави градоначалникот.

Фестивалот „Олд Вест Енд“ е еден од најголемите во регионот, а оваа година беше одбележана неговата 51-ва годишнина. Истрагата за инцидентот е во тек.