(Видео) Најмалку 24 загинати во руски напад врз село во југоисточна Украина

Најмалку 24 лица загинаа, а петмина се повредени во повеќе руски напади врз селото Комишуваха во југоисточна Украина, соопшти украинскиот претседател Володимир Зеленски, оценувајќи ги бомбардирањата како „апсолутно страшни“.

— реклама —

Според неговите информации, руските сили најпрво фрлиле воздушни бомби врз локалното училиште, кое се користело како пункт за делење хуманитарна помош. Потоа следел нов напад со уште девет бомби, при што било погодено и засолништето во кое се криеле жителите.

— реклама —

Началникот на Запорошката област, Михајло Семекин, соопштил дека врз селото биле фрлени најмалку девет воздушни бомби, тешки по 3.000 килограми. Украинската Државна служба за вонредни состојби потврдила дека загинале 24 лица, меѓу кои двајца спасувачи и четворица полицајци.

— реклама —

Спасувачките екипи продолжуваат да ги пребаруваат урнатините, а постои стравување дека бројот на жртвите може да порасне бидејќи дел од луѓето сè уште се затрупани. Акцијата неколкупати била прекината поради напади со руски беспилотни летала во областа.

— реклама —

Зеленски оцени дека нападите ја уништуваат секоја надеж за напредок кон мирот, обвинувајќи ја Русија дека не сака деескалација. Руската војска засега нема официјално да се огласи за нападот.