(Видео) Најмалку четири загинати во руски напади врз Харковската област, меѓу жртвите и малолетник

Најмалку три лица загинале, а 25 биле повредени во руски ракетен напад врз станбена населба во Писочин, во близина на украинскиот град Харков, соопшти украинската национална полиција.

— реклама —

Меѓу загинатите се 16-годишно момче и две жени на возраст од 19 и 51 година. Ракетата паднала во близина на продавница и станбени згради, објави „Киев Индепендент“.

Меѓу повредените има и две девојчиња на возраст од девет и 13 години. Сите повредени биле пренесени во болница, но засега нема информации за сериозноста на нивните повреди.

— реклама —

Нападот врз Писочин се случил истиот ден кога со две наведувани бомби бил погоден и Харков, вториот по големина град во Украина. Во нападот врз населбата Немишљански загинало едно лице, а најмалку осум биле повредени.

— реклама —

Украинскиот претседател Володимир Зеленски предупреди на зачестеноста и обемот на руските воздушни напади. Според него, само во текот на оваа недела руските сили лансирале околу 1.450 воздушни бомби, 75 ракети од различни видови и повеќе од 1.640 јуришни беспилотни летала, од кои околу 60 проценти биле со млазен погон.

Русија редовно изведува напади врз цивилната инфраструктура низ Украина. Харков и околните населени места често се изложени на напади поради близината на линијата на фронтот.

— реклама —