(Видео) „Не, не, не“ – д-р Барбов категорично ја отфрли опасноста Ива Михаилова да остане трајно неподвижна

Професорот д-р Иван Барбов во „Претрес со Ландов“ откри дека една од главните причини поради кои ѝ предложил на Ива Михаилова да го продолжи лекувањето во Бугарија била тоа што таа имала бугарско, но не и македонско здравствено осигурување.

Неврологот објасни дека во моментот кога ја дал препораката не знаел дека на Михаилова ѝ биле одземени патните исправи и дека не смеела да ја напушти Македонија.

— реклама —

„Главната причина беше дека јас знаев дека таа има два пасоша, има осигурување во Бугарија и логично беше да предложам да го продолжи лекувањето во Бугарија за да не биде изложена на трошоци“, изјави Барбов.

Запрашан дали ќе ја испрател на лекување во Бугарија доколку имала македонско здравствено осигурување, лекарот одговори негативно.

— реклама —

„Нема зошто да ја праќам. Единствена причина беше што таа немаше осигурување и логично беше да се лекува во Бугарија“, рече тој.

Барбов појасни дека препораката за третман со пумпа била само негов стручен предлог, а не одлука донесена преку постапката за упатување пациенти на лекување во странство.

— реклама —

„Само предлог. Тоа не отиде на стручен колегиум“, изјави лекарот.

Според неговото објаснување, пациентката не можела да ја помине вообичаената постапка за лекување во странство преку македонскиот Фонд за здравствено осигурување, бидејќи не била негов осигуреник.

Барбов нагласи дека во периодот на лекувањето постапувал како лекар, без да знае за судските ограничувања што важеле за Михаилова.

Од лекот за Ива Михаилова до Бошкоски, „Ровер“ и криминалот – Барбов и Раичевиќ во „Претрес“