Несекојдневна кражба на прометен автопат во Египет привлече големо внимание на социјалните мрежи, откако беше објавена снимка на која се гледа како крадци земаат предмети од возило додека тоа се движи.
Инцидентот, според достапните информации, се случил на автопатот Каиро–Исмаилија. На снимката се гледа опасната акција, при која лицата крадат од возилото во движење.
Египетските безбедносни служби ја разгледуваат снимката и работат на утврдување на точната локација и времето на настанот, како и на идентификација на лицата што се гледаат на видеото.
По утврдувањето на сите околности, надлежните органи би можеле да преземат дополнителни мерки.
