(Видео) Ноќна акција на плоштадот – Скопје конечно се чисти по долги години запуштеност

Во рамките на најавената акција за чистење на главниот град за 72 часа, ноќеска десетици работници рачно и со механизација работеа на расчистување на плоштадот „Македонија“.

— реклама —

View this post on Instagram

— реклама —

Со метли, цистерни и машини се миеја и чистеа плочките, клупите, фонтаните и спомениците, а се вршеше и празнење на кантите за отпад и собирање на насобраниот смет. Акцијата е дел од првата голема операција што ја спроведува новоизбраниот градоначалник на Скопје, Орце Ѓорѓиевски, кој најави дека градот ќе биде исчистен „од корен“ во рок од три дена.

— реклама —

Оваа иницијатива доаѓа по години јавни критики и негодување за состојбата во која се наоѓаше центарот на градот, со валкани плочки, нефункционални фонтани и запуштени јавни површини.

— реклама —

Според Град Скопје, акцијата ќе продолжи и во наредните денови, а во неа се вклучени сите јавни претпријатија со цел градот да добие „нов сјај“ пред почетокот на зимата.