(Видео) Нов напад со дронови врз нафтен терминал во Русија

Нафтен терминал во рускиот град Туапсе рано утринава бил цел на нов напад со беспилотни летала, при што избувнал пожар, јавуваат медиуми. Ова е четврти ваков инцидент во последните две недели.

— реклама —

Според регионалните власти од Краснодарски крај, во гаснењето на огнот учествуваат 128 лица и 41 возило, а засега нема информации за повредени или загинати. Огнот зафатил дел од нафтената инфраструктура, а според неофицијални извештаи, најмалку два резервоара биле опожарени.

— реклама —

Снимки објавени на социјалните мрежи покажуваат густ црн чад кој се издига над областа, додека дел од градот останал без електрична енергија. Некои извори наведуваат и прекини во интернет-врските.

Украинската страна засега не го коментирала инцидентот, а информациите не се независно потврдени. Надлежните служби продолжуваат со интервенцијата и проценка на евентуалните последици врз животната средина.

— реклама —